Nagbayad ang usa ka anonymous bidder og kapin $9.9 milyon aron makasalmot sa usa ka pribadong paniudto uban kang Stephen Curry ug billionaire investor nga si Warren Buffett sa Omaha, Nebraska.
Gihimo ang maong auction pinaagi sa eBay isip kabahin sa pagpasig-uli sa charity fundraising tradition ni Buffett nga nakatigom na kaniadto og kapin $53 milyon alang sa GLIDE Foundation nga nagtabang sa mga homeless sa San Francisco.
Sumala sa report, ang natigom nga kantidad gikan sa auction ipahinungod usab sa Eat. Learn. Play. Foundation nga gitukod ni Curry ug sa iyang asawa nga si Ayesha Curry.
Niabot sa $9,000,100 ang pinakataas nga bid alang sa private lunch uban kang Buffett ug sa pamilya Curry nga gikatakdang mahitabo sunod bulan.
Nagpasalamat ang pamilya Curry sa maong oportunidad ug giingon nilang kini nagpakita sa importansya sa panaghiusa sa lain-laing henerasyon aron makatabang sa mga nanginahanglan.
Dugay nang gihimo ni Buffett ang susamang charity lunch auctions sukad tuig 2000, diin gikan 2008 pirmi nang molapas og $1 milyon ang winning bids hangtod kini mihunong niadtong 2022 human nakaabot sa $19 milyon ang usa sa mga bids.