Nagpahayag ang House prosecution panel nga naglaum sila nga mag-convene na ang Senado isip impeachment court sa Lunes, Mayo 18, 2026, alas 3:00 sa hapon o sa pinakaunang posibleng oras, aron masugdan ang husay batok kang Vice President Sara Duterte.
Sumala sa panel, nakadawat na sila sa sulat ni Senate President Alan Peter Cayetano nga nagpamatuod sa petsa sa pag-convene, bisan pa giila nila nga posible pa gihapon adunay mga procedural motions o pangutana gikan sa mga senator-judges nga mahimong hinungdan sa pagka-delay sa proseso.
Gibahin-bahin na usab sa House prosecutors ang mga grounds sa impeachment, lakip ang giingong misuse of confidential funds, bribery, ug unexplained wealth.Â
Andam na usab ang 11 ka miyembro sa prosecution panel nga motambong sa pagbukas sa impeachment court isip pagrespeto sa Senado ug sa Konstitusyon.
Matud usab sa usa ka miyembro sa panel nga si Rep. Terry Ridon nga wala silay makita nga rason aron mapahunong ang impeachment proceedings ug gipaabot nila ang patas ug hapsay nga pagdungog sa kaso.