Gipaambit sa aktres nga si Kathryn Bernardo nga malipayon ug kontento kini sa iyang kasamtangang love life.
Nahitabo kini sa atol sa pagtambong ni Kathryn sa 2026 Tindahan ni Aling Puring Sari-Sari Store Convention nga gipahigayon sa World Trade Center sa Pasay City.
Kauban ni Kathryn sa maong kalihukan ang laing mga sikat nga personalidad sama nila ni Kyline Alcantara ug Angeline Quinto.
Atol sa maong event, usa ka madasigon nga fan ang direktang nangutana sa aktres kon “Kumusta ang love life niini.” Imbis nga mulikay, daling gitubag kini ni Kathryn og “Okay naman,” dungan sa usa ka tam-is kaayo nga pahiyom human giulan og laing mga pangutana.
Human niini, milakaw ang aktres nga puno sa kalipay. Kini nga mubo apan makahuloganong tubag ni Kathryn migawas taliwala sa init nga mga hungihong sa showbiz nga usa ka tuig na matud pa kining nakig-date kang Lucena City Mayor Mark Alcala.