Dili moubos sa 37 ka tawo ang naangol human sa laing airstrike sa Israel sa habagatang Lebanon kagahapong adlawa, Mayo 15, samtang nagpadayon ang ikaduhang adlaw sa ceasefire nga gipangulohan sa Washington, D.C.
Sumala sa militar sa Israel, gitarget sa ilang banay ang mga imprastruktura sa Hezbollah sa Tyre ug sa kasilinganang dapit niini.
Samtang, gikondena sa United Nations humanitarian coordinator sa Lebanon ang nagpadayon nga kapintas ug matud pa niini nga kinahanglang pahimuslan ang diplomasya aron mapugngan ang pagsamot sa krisis.
Base sa Lebanese health ministry, lakip sa mga naangol ang mga kababayen-an, bata, ug pipila ka hospital workers human naigo ang mga edipisyo nga duol sa usa ka ospital ug usa ka NGO center.
Daghan usab ang gitaho nga namakwit human nangaguba ang mga puy-anan sa mga displaced families. Bisan pa nga adunay naglungtad nga ceasefire sukad niadtong Abril 17, nagpadayon gihapon ang pagbinaloay og bala tali sa Israel ug Hezbollah, diin ang matag bahin nag-akusar sa usag usa og paglapas sa kasabutan.
Diin gatusan na ka tawo ang nangamatay sukad nagsugod ang mga giyera.