Congo subling nagdeklara og Ebola outbreak

Gideklara ang outbreak sa Ebola sa Democratic Republic of the Congo, sumala sa mga health authorities.

Natala ang 246 ka kaso ug 65 na ang namatay, base sa datos sa Africa Centres for Disease Control and Prevention.

Gipunting nga kadaghanan sa mga biktima gikan sa Mongwalu ug Rwampara sa Ituri province, nga nailhan nga mga gold-mining areas.

Gitawag sa mga awtoridad ang mga miting uban sa mga silingang nasud sama sa Uganda ug South Sudan, ug uban pang international partners aron palig-onon ang response ug cross-border surveillance.

Gikumpirma usab sa World Health Organization nga wala pa’y tukmang tambal alang sa Ebola, nga adunay taas nga fatality rate nga mokabat sa 50%.