Gitinguha sa Estados Unidos ang pagpalapad sa pwersa militar sa Greenland pinaagi sa plano nga pagtukod og tulo ka bag-ong pasilidad sa habagatang bahin sa isla.
Kini nga lakang gihimo isip estratehikong pagpangandam batok sa nagkadakong impluwensya ug kalihokan sa Russia ug China sa North Atlantic region.
Bisan pa sa nangaging tensyon sa dihang gihisgutan ni U.S President Donald Trump ang ideya sa pag-angkon sa isla, gikumpirma sa Denmark nga nagpadayon pa ang negosasyon sa U.S. alang sa dugang presensya sa militar, samtang gipaniguro nga wala nay hisgutanan bahin sa pag-okupar sa teritoryo.
Usa sa mga prayoridad nga dapit mao ang Narsarsuaq, diin plano ang pagpahimutang og mga kagamitan alang sa maritime surveillance aron bantayan ang GIUK Gap diin usa ka krusyal nga ruta sa kadagatan tali sa Greenland, Iceland, ug United Kingdom.
Sa pagkakaron, ang Pituffik Space Base lamang ang nahabiling aktibong base sa Amerika sa Greenland, ug giingong layo ra sa 17 ka pasilidad nga anaa sila kaniadto sa panahon sa Cold War.