kinabuhi ang nahimong bayad human giguba ang usa ka solar Bluetooth speaker sa nahitabong brutal nga pagpanigbas sa Purok 5, Sitio Layungon, Barangay Pongol, niadtong Lunes sa hapon.
Base sa imbestigasyon sa mga otoridad, niadto ang 38-anyos nga biktima sa balay sa 42-anyos nga suspek ug giingong gipanguba niini ang atop ug speaker sa balay bisan walay igong rason. Pag-abot sa suspek, nahitabo ang init nga komprontasyon diin misulay pa og pataliwala ang amahan sa biktima apan kalit kining misumbag ngadto sa suspek.
Tungod sa kapungot, gipanigbas sa suspek ang biktima gamit ang bolo diin naigo kini sa ulo, abaga, ug dughan nga dakong hinungdan sa hinanali niining kamatayon. Gilayon usab nga mitahan ang suspek ngadto sa ilang Barangay kapitan human sa maong krimen.
Sa pagkakaron, nag-atang na ang kasong homicide batok sa suspek samtangnakatingkagol pa kini sa kustodiya sa Libona Municipal Police Station alang sa tukmang disposasyon sa balaod.