Mipagawas ang PRC og listahan sa mga topnotchers niining bulana, ug dakong pasidungog kini sa Bukidnon State University ug sa mga residente sa Bukidnon nga dunay nakasulod sa Top 5 sa March 2025 Licensure Exam for Teachers – Secondary Level.
Giila ang maong top notcher nga si Ferdiliza Uy Cadungog, estudyante sa Bukidnon State University, nga dunay rating nga 93.00%. Sumala ni Cadungog, una nga nakahibalo sa balita ang mga katrabaho niini ug daling nakadawat og daghang mensahe.
Nakahuman kini sa kursong Social Studies, ug bisan pa man sa kakulangon sa iyang preparasyon, giampo ug gitugyan na lamang niini sa labaw nga makagagahom ang resulta sa exam.
Gumikan si Cadungog sa dihang mitake sa exam, broken-hearted human nga nagbulag sila sa iyang uyab kaniadtong wala pa ang LET.
Anak kini sa broken family, ikatulo sa lima ka managsoon, ug ang ilang inahan ra ang nagsuporta kanila nga giisip niini nga usa ka “superwoman” nga naningkamot bisan pa man sa kalisod.
Lakip usab sa inspirasyon niini, ang usa ka maestra nga nagpahilak kaniya.Gani, mipahayag usab kini sa iyang dakong pagpasalamat sa mga tawo nga nagpaluyo sa iyang kalampusan.