Mokabat sa napulo ka mga empleyado sa lokal nga kagamhanan sa dakbayan sa Malaybalay ang nagpositibo sa gidiling droga human sa gipahigayon nga surprise drug testing.
Kini nga lakang gihimo niadtong milabay nga semana aron masiguro ang kalimpyo ug integridad sa mga nagtrabaho sa City Hall.
Ang maong pagsulay naglakip sa nagkadaiyang mga trabahante, gikan sa mga casual status hangtod na sa mga regular nga empleyado.
Gibutyag sa City Health Office nga ang maong operasyon kabahin sa seryoso nga kampanya sa siyudad batok sa ilegal nga droga.
Tumong niini nga mapatuman ang usa ka drug-free workplace alang sa kaayohan sa tanang katawhan nga nagserbisyo sa gobyerno.
Sa pakighinabi sa Bombo radyo Malaybalay kang Malaybalay CityĀ Mayor Jay Warren Pabillaran,Ā gikumpirma niini nga ang mga resulta sa drug test anaa na karon sa mga kamot sa ilang City Administrator.
Gipasabot sa Mayor nga dili kini personal nga pagpangatake kondili usa ka pagsunod sa mga lagda nga gilatid sa balaod.
Ang mga empleyado nga nagpositibo ipaubos sa tukmang proseso base sa mga regulasyon nga gipatuman sa Civil Service Commission.
Dugang pa niini, kinahanglan nga manubag ang matag usa sa ilang mga binuhatan aron mapabilin ang pagsalig sa publiko sa kagamhanan.
Padayon ang hugot nga monitoring sa siyudad aron masiguro nga walay bisan kinsa nga makalusot sa maong mga ilegal nga kalihukan.