Rubio ug Pope Leo XIV magtagbo, tumong ayuhon relasyon US ug Holy See

Gikatakdang magkita og magpulong sila si US Secretary of State Marco Rubio ug si Pope Leo XIV ugmang adlawng byernes.

Kini ang unang higayon nga magkatagbo sukad nagkainitay ang Santo Papa ug si Pres.Donald Trump.

Kahinumduman nga gisaway ni Trump ang Santo Papa tungod sa pagsupak niini sa gilunsad nga gubat batok sa Iran.

Sigon ni Rubio nga ang iyang pagbisita sa Santo Papa kay aron ayuhon pag-usab ang relasyon tali sa US ug sa Holy See.

Dugang pa niya nga usa sa ilang hisgutan mao ang mga isyu nga may kalabotan sa Vatican ug sa Cuba.