Dungan sa pag andam sa Commission on Elections (COMELEC) sa Bangsamoro Parliamentary Elections sa umaabot nga Oktubre, gilinaw sa poll body nga dili apil ang mga botante sa Bangsamoro Autonomous Region in Muslim Mindanao nga maka rehistro pag- usab.
Sumala pa ni George Erwin Garcia, COMELEC Chairman , bisan pa man adunay botohan karong Oktubre, ang mga botante nga gikinahanglan motambong niini mao lamang kadtong mga narehistro na daan susama sa mga mibotar sa Midterm Elections.
Sa Hulyo hangtod Agosto, ipahigayon ang 10 ka adlaw nga General Voters Registration alang sa Barangay ug Sangguniang Kabataan Elections (BSKE). Gitumong kini para sa mga gustong marehistro pa lang sa ilang lugar aron makaapil sa umaabot nga eleksyon.Samtang niining panahona, gitutukan usab sa COMELEC ang preparasyon para sa eleksyon sa Bangsamoro Autonomous Region in Muslim Mindanao (BARMM).
Apil sa mga bag-ong lakang nga giandam mao ang pag-imprenta sa mga balota nga karon kinahanglan nang adunay litrato sa mga kandidato, logo sa ilang partido, ug opsyon nga “none of the above” sa mga pagpili.Gawas pa niini, magsugod na usab ang refresher training alang sa mga magtutudlo nga magsilbing electoral board o mga tigdumala sa maong eleksyon sa BARMM.