Subling gibalikan og tan-aw sa Mexican superstar nga si Thalía ang lawom nga koneksyon niini sa Pilipinas human makahimamat ang P-pop group nga BINI sa Billboard Women in Music Awards didto sa Los Angeles niadtong Abril 29, 2026.
Nadawat ni Thalía ang Icon Award samtang ang BINI giila isip Global Force Award honoree, usa ka higayon diin gipadayag sa aktres ang iyang dako nga pagpasalamat sa mga Pinoy tungod sa init nga pagdawat sa iyang mga “Tagalized” telenovela ug kaniadto nga sold-out concert.
Sa usa Instagram post niini, miingon si Thalia nga ang Pilipinas nahimo nang kabahin sa iyang istorya ug pagkatawo, ilabi na ang walay paglubad nga gugma sa mga tawo alang sa iyang karakter nga si Marimar.
Sa dihang gipangutana kini ni Jhoanna sa BINI kon aduna bay plano nga mobisita pag-usab sa nasud, daling nitubag ang singer nga andam siyang mobalik kon imbitahon.
Ang maong panagkita nagsimbolo sa nagkakusog nga koneksyon sa internasyonal nga pop culture ug sa OPM scene pinaagi sa global recognition sa mga talentong Pilipino.