Natala nga “kwestiyonable” ang status ni Minnesota Timberwolves star Anthony Edwards alang sa Game 1 sa playoff series batok sa San Antonio Spurs tungod sa iyang hyperextended left knee ug bone bruise.
Nakuha ni Edwards ang maong injury niadtong Game 4 sa unang hugna batok sa Denver Nuggets, hinungdan nga gipulihan kini og duha ka dula sa wala pa sila hingpit nga makaabante sa semifinals.
Bisan og gikataho nga “kwestiyonable” dako ang posibilidad nga makadula si Anthony human makadawat og medical clearance ug aktibong niapil sa shootaround.
Matud pa ang presensya niini, labing gikinahanglan sa Timberwolves aron masumpo ang pwersa ni Victor Wembanyama ug sa Spurs.
Sa laing bahin, sigurado nga dili makaduwa si Donte DiVincenzo tungod sa iyang season-ending nga torn right Achilles tendon, samtang si Ayo Dosunmu gi-rule out na usab alang sa Game 1 tungod sa pagpanakit sa iyang tuo nga batiis kon (calf soreness).