Lovi Poe, makig-uban sa Hollywood star Maisie Williams sa bag-ong international thriller film 

Miuswag na  ang international career sa aktres nga si Lovi Poe human siya nalakip sa bag-ong thriller film kauban ang hollywood star nga si Maisie Williams ug aktor nga si Rory Kinnear.

Ang pelikula, nga gidirekta ni James Erskine, usa ka “high-concept thriller” nga naggamit og live cinema technique aron makuha ang real-time nga tensyon sa istorya.

Sa storyline, si Williams nagdala sa papel sa usa ka babaye nga naapil sa delikadong sitwasyon human makadawat og tawag nga adunay bomba sa iyang sakyanan.

Gipadayag ni Lovi Poe nga nalipay siya sa proyekto nga ipaila usab sa Cannes Film Festival karong Mayo, nga nagpakita sa iyang padayon nga pagsaka sa international film scene.