Pope Leo XIV, gihinumdum ang mga mamamahayag nga namatay sa giyera ug kapintas

Nanawagan si Pope Leo XIV niadtong Domingo batok sa padayon nga paglapas sa kagawasan sa pamamahayag sa lain-laing bahin sa kalibutan, kauban sa paghinumdum sa World Press Freedom Day diin gitutokan ang mga mamamahayag nga namatay samtang nagatuman sa ilang katungdanan sa tunga sa kagubot ug gubat.

Sa iyang pag-ampo sa Saint Peter’s Square, gipasiugda sa Santo Papa ang kahinungdanon sa gawasnong pamamahayag ug ang nagkadako nga hulga batok sa mga journalists.

Gihangyo usab niya ang mga magatutuo nga hinumdoman ang mga mamamahayag nga naghalad sa ilang kinabuhi sa pagpangita sa kamatuoran, ilabi na sa mga dapit nga apektado sa gubat.