Gihagit karon sa legal expert nga si Atty. Tony La Viña ang administrasyong Marcos nga dinalian nga tangtangon ang excise tax sa lana ug gas aron mahatagan og gininhawa ang mga Pilipino taliwala sa nagkagrabe nga krisis sa ekonomiya.
Sa usa ka interbyu, gipahayag ni La Viña nga makapahibulong nga hangtud karon, wala pa’y gihimong lakang ang kagamhanan sa pagsuspinde sa maong buhis bisan pa man sa grabeng epekto niini sa presyo sa mga palitunon. Matud sa abogado, daghan unta ang pamaagi aron mapagaan ang palas-anon sa katawhan, apan daw wala kini hatagi og prayoridad sa kasamtangang administrasyon.
Warning sa eksperto, kon dili mohimo og dinalian ug seryosong aksyon ang gobyerno, magpadayon ang pag-antos sa masa sa walay hunong nga pagsaka sa presyo sa mga batakang panginahanglan ug krudo sa nasud.