Gipadayag ni Department of Trade and Industry (DTI) Secretary Cristina Roque nga padayon ang pagsuporta sa inisyatiba sa rehiyon sa ilawom sa Association of Southeast Asian Nations alang sa ratipikasyon sa ASEAN Petroleum Security Agreement (ASEAN-APSA) aron mapalig-on ang kooperasyon sa suplay sa gasolina sa Southeast Asia.
Sumala ni Roque , ang maong kasabutan nagtumong sa coordinated emergency fuel sharing tali sa mga member countries kung adunay kalit nga kakulang sa suplay sa lana o krisis sa enerhiya.
Gipasiugda usab sa ASEAN ang plano sa pagpalambo sa ASEAN-wide power grid aron mas mapadali ang pagbalhin ug pagbahin sa kuryente sa tibuok rehiyon, nga makatabang sa mas episyente nga energy distribution.
Dugang pa, nagpabilin ang panawagan sa ASEAN nga abli ang trade, likayan ang export bans sa essential goods, ug palig-onon ang food ug energy security ilabi na sa panahon sa krisis.
Kabahin usab sa inisyatiba ang paghatag suporta sa micro, small, and medium enterprises (MSMEs) aron mapadayon ang trabaho ug ekonomikanhong kalig-on sa tibuok rehiyon batok sa global economic shocks.