Nagbahad si U.S. Pres. Donald Trump nga posibleng pakunhuran ang ihap sa presensya sa kasundaluhan sa U.S ngadto na sa Germany, Italy, ug Spain, taliwala sa nagkagrabeng tensyon sa Europa may kalabotan sa giyera batok sa Iran.
Sumala ni Trump nga gi-review na sa United States ang posibilidad niini ug posible usab kini ipatuman sa Italy ug Spain, tungod sa giingong kulang nga suporta sa US-led campaign.
Miulbo ang kalagot sa U.S human gisaway ni German Chancellor Friedrich Merz ang estratehiya sa US batok sa Iran, nga giingong kulang sa plano aron tapuson ang panagbangi.
Sa datos sa US military kapin sa 36,000 ka tropa sa US ang naka-deploy sa Germany—ang pinakadako sa Europa—samtang adunay labaw sa 12,000 sa Italy ug hapit 4,000 sa Spain.
Ang bahad ni Trump nagpakita sa padayong paglala sa relasyon tali sa US ug pipila ka European allies, nga posibleng makaapekto sa seguridad ug kooperasyong militar sa rehiyon.