Nagpadayon ang imbestigasyon sa kapulisan sa Maramag bahin sa insidente sa pagdunggab sa usa ka lalaki nga namatay sa usa ka vigil sa maong lungsod.
Sa pakighinabi sa Bombo Radyo Malaybalay kang Lieutenant Colonel Alexander Eugenio, ang hepe sa kapulisan sa Maramag, gisayasay niini ang insidente sa pagpangdunggab diin nga ang biktima nagdula kini og baraha sa Purok 8, Barangay Camp 1 sa dihang miduol ang suspek ug gipasanginlan kini nga nangawat og pitaka, sa wala pa kini kalit nga gidunggab.
Ang biktima giila nga si Arquel Mangubat Sericol, 47 anyos, mag-uuma ug residente sa Barangay Kuya, Maramag, Bukidnon.
Gideklarar nga dead on arrival ang biktima sa ospital.
Samtang giusisa pa sa mga otoridad ang tinuod nga identidad ug posibleng motibo sa suspek nga padayon pang gipangita, aron hingpit nga masuta ang kahimtang ug hustisya sa maong krimen.