Gibatikos sa pipila ka mga labor advocates ang P14.00 nga gipatuman nga usbaw sa suholan alang sa mga below minimum wage earners dinhi sa rehiyon.
Gibutyag ni Attorney Proculo Sarmen, labor law expert ug advocate nga gamay lamang kaayo kini diin mas ubos tandi sa giatawag nga poverty threshold.
Miingon usab ang abogado nga ang maong lakang niadto pang milabaw’ng tuig apan karun pa kini gipatuman.
Gidugang ni Atty Sarmen nga subay sa pagtuon mismo sa atong gobYerno nga minimum wage, mokabat ngadto sa 1,200 pesos hangtod sa 1,400 ka pesos apan dili kini mapatuman gumikan sa eksploytasyon sa mga dagkong kumpanya dinhi nga nagpalibot sa atong kagamahan.
Samtang sa pikas bahin, gibutyag usab ni Nick Borja, usa ka Labor consultant, nga ang 14 pesos nga gipatuman para sa below minimum wage earners kabahin kin i sa wage order number 24 sa kagamahan apan karun pa lamang gipatuman.
Gidugang usab niini nga ang mas maayo nga ipatuman sa gobyerno ang across the board increase aron ang tanan sector sa mamumuo ang makapahimulos ug dili lamang ang mga below minimum wage earners.
Matud ni Borja nga gamay ra kaayo ang 14 pesos nga increase alang sa mga empleyado.