Fiscal ug monetary posisyon sa Pilipinas nagpabiling lig-on – Bangko Sentral ng Pilipinas

Gibutyag sa Bangko Sentral ng Pilipinas, posible pa gihapon maabot sa Pilipinas ang “A” credit rating bisan gi-negative ang outlook sa Fitch Ratings.

Sumala ni BSP Governor Eli Remolona Jr. nga lig-on pa ang ekonomiya sa nasud ug ang mga isyu kasagaran gikan sa global factors, dili sa domestic weakness.

Bisan gi-affirm ang “BBB” rating, giusab ang outlook tungod sa external risks sama sa global energy shocks.

Apan gipasiugda nga ang negative outlook dili pasabot dayon og downgrade.

Sa kinatibuk-an, matud sa BSP nga lig-on gihapon ang fiscal ug monetary position sa Pilipinas.