Nibulsa og kinatibuk-ang premyo nga P3.3 milyon (€47,195) ang Pinay tennis star nga si Alex Eala human sa iyang maayong gipakita sa bag-o lang nahuman nga WTA 1000 Madrid Open. Bisan pa man sa iyang pagkapukan sa singles ug doubles categories, dako gihapon ang iyang nakuha human siya nakasulod sa ikaduhang hugna (round of 64) sa singles ug round of 16 sa doubles.
Nakakuha siya og P2.2 milyon (€31,585) gikan sa singles ug dugang nga P1.1 milyon (€15,610) kauban ang iyang partner nga si Zeynep Sonmez. Gawas sa kwarta, nisaka usab ang iyang world ranking sa doubles ngadto sa ika-87, ang kinatas-an sa iyang career.
Nangandam na karon si Eala alang sa Catalonia Open sugod karong adlawa, Abril 27, isip kabahin sa iyang preparasyon alang sa umaabot nga Rome Open karong Mayo.