Subling misaka ang tensyon tali sa Iran ug Estados Unidos taliwala sa mga taho bahin sa posibleng direktang panag-istoryahay sa Pakistan karong semanaha aron hisgutan ang pagtapos sa gubat.
Bisan pa sa pag-abot ni Iranian Foreign Minister Abbas Araghchi sa Islamabad, gihangop kini sa White House pinaagi sa pagpadala kang Steve Witkoff ug Jared Kushner alang sa gilaumang face-to-face nga diskusyon.
Samtang nagpadayon ang pagpangandam alang sa maong dayalogo, nagpatuman ang U.S. Treasury og bag-ong silot batok sa Iran pinaagi sa pag-blacklist sa 40 ka mga entidad ug tankers.
Gipahibalo ni Treasury Secretary Scott Bessent nga gi-freeze usab sa Amerika ang $344 ka milyon nga balor sa cryptocurrency assets aron putlon ang financial lifelines sa kagamhanan sa Iran.
Kini nga mga lakang nagpakita sa padayon nga “economic warfare” sa Amerika dungan sa pagsulay sa diplomatikong pamaagi aron mahusay ang krisis sa rehiyon.