Nagpabiling hilom si Vice President Sara Duterte sa panawagan ni Pangulong Ferdinand Marcos Jr. alang sa panag-uli, samtang nagkadool ang pagsugod sa iyang impeachment trial sa Senado ug samtang padayon ang pagka-detain sa iyang amahan, nga si kanhi Presidente Rodrigo Duterte didto sa The Hague, Neatherlands.
Sumala ni Marcos nga andam siya nga makig-uli sa tanan, lakip na sa kampo sa mga Duterte. Apan mitubag si Presidential Communications Undersecretary Claire Castro nga dili kini mahitabo kung dili andam ang usa ka partido.Samtang niadtong sabado sa Davao City, giingon ni Duterte nga supak ang iyang mga abogado sa pagpadayon sa impeachment trial, apan gusto niya kining ipadayon.
Samtang gisuportahan sa Catholic Bishops’ Conference of the Philippines (CBCP) ug pipila ka senador ang paningkamot sa Presidente nga makig-uli sa kampo sa mga Duterte. Giingon ni Senate President Francis Escudero nga ang mga lider sa nasud kinahanglan magtinabangay ilabi na sa ning lisod ang panahon.
Si senador-elect Panfilo Lacson misuporta usab sa panag-uli apan misulti nga kinahanglan kini taparan sa lig-on nga liderato sulod sa kabinete. Sa laing bahin,gisalikway ni Lacson ang mga pasangil nga nakigtagbo siya ni VP Duterte, nga iyang gihulagway nga bakak ug malisyoso. Giingon niyang dili angay ang maong miting tungod sa iyang posibleng papel isip senator judge sa impeachment trial niini.