Giturn-over na sa lokal nga kagamhanan sa Malaybalay ang nagkadaiyang mga sakyanan ubos sa Utility Vehicles Project karong adlawa Biyernes, Abril 24, 2026, pinaagi sa inisyatibo ni Mayor Atty. Jay Warren Pabillaran.
Ang maong proyekto, nga naglakip sa mga rescue vehicles, patient transport units, dump trucks, delivery vans, ug mga motorsiklo, gitumong aron mapaspas ang serbisyo ug matubag ang mga emerhensiya sa mga barangay ug nagkalain-laing buhatan sa dakbayan.
Lakip sa mga nakadawat mao ang Barangay Busdi, Can-ayan, Indahig Tribal Multi-Purpose Cooperatives, CDRRMO, ug City Health Office.
Nasayran nga bisan tuod og ₱39,706,940 ang gi-aprobahang budget, nakadaginot ang gobyerno og ₱5,060,100 human nakuha ang tanang units sa kantidad lamang nga ₱34,646,840.