Gipahibalo ni U.S. President Donald Trump nga gilugwayan niini ang ceasefire tali sa Amerika ug Iran human sa hangyo sa Pakistan, samtang nagpaabot pa ang Washington sa usa ka hiniusang proposal gikan sa Tehran.
Sumala ni Trump, mulungtad ang ceasefire hangtod nga makasumite ang Iran sa tanyag ug mahuman ang negosasyon, apan gimandoan gihapon niini ang militar nga ipadayon ang blockade sa Strait of Hormuz ug magpabiling andam sa bisan unsang aksyon.
Taliwala niini, nagpabiling usa ang tensyon sa sitwasyon tungod nagduhaduha pa ang Iran sa pag-apil sa panagsultigay gumikan sa giingong “dili madawat” nga mga lihok sa Amerika.
Tungod sa kawalay kasiguruhan, gikansela usab ni Vice President JD Vance ang iyang pagbisita sa Pakistan alang sa ikaduhang yugto sa negosasyon.
Sa pagkakaron, padayon ang paningkamot sa Pakistan nga mapataliwad-an ang duha ka panig aron malikayan ang hingpit nga pag-ulbo sa gubat samtang nagpaabot ang kalibutan sa sunod nga lakang sa Tehran ug Washington.