- Advertisement -
Naghimo og kasaysayan ang bitoon sa San Antonio Spurs nga si Victor Wembanyama human siya gikoronahan isip NBA Defensive Player of the Year. Siya ang nahimong labing unang magdudula sa kasaysayan sa liga nga nakakuha sa maong pasidungog pinaagi sa usa ka unanimous vote.
Nakuha sa 22-anyos nga French center ang tanang 100 ka “first-place votes” human siya nangulo sa tibuok NBA sa blocked shots nga adunay average nga 3.1 blocks matag dula. Si Wembanyama usab ang giilang kinabatan-on nga nakadawat niining prestihiyosong award.
Gawas sa iyang lig-on nga depensa, usa usab siya sa mga lig-on nga kandidato alang sa NBA Most Valuable Player (MVP) karong tuiga tungod sa iyang talagsaong dominasyon sa korte.
- Advertisement -