Giangkon sa usa ka trabahante sa radyo nga mas pilion pa sa uban ang pagpuyo sa usa ka “bakak nga kahupayan” kaysa sa pag-atubang sa pait nga kamatuoran, ilabina kon hisgutan ang relasyon sa kasingkasing.
Sa pakighinabi sa Bombo Radyo Malaybalay ngadto kang Edith Achacoso, usa ka trabahante sa programang Good Morning Philippines, gipasabot niini nga usahay mas gustohon sa usa ka indibidwal nga puy-an una ang ilusyon aron makasinati og temporaryong pahulay sa pagbati. Matod ni Achacoso, bisan og nasayod na ang usa ka tawo sa tinuod nga kahimtang, mopili gihapon kini sa pagpabuta-buta tungod sa emosyonal nga pagbati.
Dugang pa niya, bisan og nagsilbi nga temporaryong dangpanan ang bakak, moabot ra gihapon ang punto nga angay’ng dawaton ang reyalidad ug “momata” sa kamatuoran. Kini nga sitwasyon nagpakita sa lisod nga proseso sa pagdawat nga ginaagian sa daghang tawo kinsa dili pa andam nga atubangon ang kasakit sa kamatuoran sa pagkakaron.