Gipasabot ni National Bureau of Investigation (NBI) Director Atty. Melvin Matibag nga walay kalabotan sa International Criminal Police Organization (Interpol) red notice ang pagka-aresto ni kanhi Ako Bicol Partylist Representative Elizaldy Co.
Matud sa NBI Chief, nadakpan ang kanhi kongresista tungod sa immigration violation.
Gipahayag usab sa NBI nga andam silang motuman kon adunay mando nga i-repatriate si Co pabalik sa Pilipinas gikan sa Czech Republic.
Sumala ni Dir. Matibag, hugot nga nakig-coordinate ang gobyerno sa Pilipinas sa Czech Republic aron masiguro nga nasunod ang tanang legal nga proseso ug mapadali ang pagpauli ni Co sa nasud.
Una nang gikompirma ni Department of the Interior and Local Government (DILG) Secretary Jonvic Remulla nga kasamtangang nakadetine si Co sa usa ka immigration detention facility ug posibleng mabalik sa Pilipinas sulod sa usa ka semana hangtod usa ka bulan.