Opisyal nga gianunsyo sa kompaya sa lana nga ang presyo mousbaw sugod Martes, Mayo 20, human sa duha ka semana nga pagkunhod.
Mutaas ang presyo sa gasolina ngadto sa ₱1.20 matag litro sa gasolina, ₱1.70 sa diesel, ug ₱1.20 sa kerosene, sumala sa mga abiso nga gipagawas sa Shell Pilipinas, Seaoil, ug PetroGazz niadtong Lunes, Mayo 19.
Gipasabot sa Department of Energy – Oil Industry Management Bureau (DOE-OIMB) nga ang hinungdan sa pagsaka mao ang mga kalambuan sa kalibotan sama sa pagkunhod sa taripa sa mga imported nga produkto tali sa Estados Unidos ug Tsina, nga nagduso sa panginahanglan sa lana.
Dugang pa, gipahamtang sa US ang mga bag-ong silot batok sa mga kompanya sa lana nga nalambigit sa international oil trade sa Iran, nga nagmugna og kabalaka sa kalisod sa suplay.
Gibanabana usab sa OPEC nga mosinay ang pagtubo sa suplay sa lana karong tuiga tungod sa gamay nga paggasto pagkahuman sa mga niaging pagkunhod sa presyo, hinungdan nga misaka pa gyud ang presyo sa merkado.