Lalaki sa France nakadaog og $1M Pablo Picasso painting pinaagi sa $117 nga raffle ticket

Nabaligya lang sa kantidad nga 117 dolyares ang painting sa sikat nga Spanish artist nga si Pablo Picasso.

Nadag-an ni Ari Hodara ang “1 Picasso para sa 100 euros’ nga raffle.

Nakuha niini ang 1941 gouache “Tete de Femme” nga painting ug kini nagkantidad og kapin usa milyones dolyares.

Miabot sa 120,000 ka mga tickets ang nabaligya ug ang kita niini ihatag sa Alzheimer’s Research Foundation nga maoy nagsuporta sa clinical research sa Europa.

Si Hodura usa ka art lover gikan sa Paris nga nagtrabaho sa usa ka software company.

Saysay pa niini nga sa unang nakadawat kini og tawag wala siya makatoo diin gimanduan siya sa organizer nga motan-aw sa live stream ug didto napamatud-an nga siya midaug.