Kapin 4,000 ka Pinoy nga seafarers, na-stranded sa Strait of Hormuz – DFA

Mokabat sa 4,862 ka mga Pilipinong seafarers ang kasamtangang stranded sa Strait of Hormuz tungod sa nagkagrabe nga tensyon sa Middle East.

Sumala ni Foreign Affairs Secretary Maria Theresa Lazaro, lakip ang mga Pinoy sa gibana-banang 20,000 ka mga tripulante gikan sa nagkalain-laing nasud nga naipit karon sa maong ruta.

Lakip na niini ang mga oil tanker, gas tanker, ug cargo ships sa rehiyon, sa pagkakaron gipaspasan sa Department of Foreign Affairs (DFA) ang pakig-alayon sa ubang kanasuran.

Tumong sa gobyerno nga masiguro ang kaluwasan sa mga marinong Pilipino ug mapangitaan og paagi nga makagawas kini  nga luwas gikan sa panagbangi.