Kamala Harris, posibleng mudagan pag-usab sa 2028 US Presidential Election

Gipadayag ni kanhi U.S. Vice President Kamala Harris ang posibilidad sa subling pagdagan niini  isip presidente sa tuig 2028, bisan pa man kon wala pa kini pinal nga desisyon mahitungod sa maong hungihong.

Sa usa ka tigum sa New York City, giangkon ni Harris nga gihinuklugan niya kini base sa kon kinsa ang labing angayan nga mangulo alang sa kaayohan sa katawhan sa Amerika.

Kahinumduman nga napildi si Harris niadtong 2024 presidential election batok kang Donald Trump human nagsilbi ubos sa administrasyon ni Joe Biden.

Sumala sa mga political observers, mamahimong hagit niini ang pagdagan pag-usab tungod sa panawagan alang sa mas bag-ong liderato sa Democratic Party.