Nasikop sa hiniusang pwersa sa kapulisan ang usa ka 38-anyos nga mag-uuma nga giilang Top 9 Most Wanted Person sa Regional Level didto sa Purok 2, Barangay Labuagon, Kibawe, Bukidnon.
Ang operasyon gipangunahan sa mga personahe sa Kibawe Municipal Police Station ubos sa pagdumala ni PCPT Leonila R. Vicente, OIC, uban ang Bukidnon 2nd Provincial Mobile Force Company, Bukidnon Provincial Intelligence Team, Regional Intelligence Unit 10, Regional Investigation and Detective Management Division, 1003rd Mobile Company sa Regional Mobile Force Battalion, ug sa pakig-alayon sa Bukidnon Intelligence Unit.
Ang maong suspetsado, kinsa residente usab sa nahisgutang dapit, nasikop pinaagi sa usa ka warrant of arrest alang sa krimen nga Murder.
Subay sa kamanduan sa korte, walay piyansa nga girekomenda alang sa temporaryong kagawasan niini.
Sa pagkakaron, ang dinakpan anaa na ubos sa kostodiya sa Kibawe Municipal Police Station alang sa saktong dokumentasyon ug disposisyon sa iyang kaso.