Gibutyag ni Representative Percy Cendaña nga ang pagpasaka ni Vice President Sara Duterte og petisyon sa Korte Suprema alang sa certiorari ug prohibition nagpakita nga gusto niini likayan ang pag-atubang sa mga kaso nga gisang-at batok kaniya.
Sumala ni Cendaña nga pinaagi sa maong lakang, giingong gitinguha sa bise presidente nga mapugngan ang pagpagawas sa ebidensya tungod sa kahadlok sa kamatuoran, ug gihulagway kini nga “desperado” nga paningkamot sa paglangan sa proseso.
Kahinumduman nga ang petisyon gisang-at sa kampo ni VP Duterte aron mangayo og klaripikasyon sa mga isyung konstitusyonal may kalabotan sa pagdungog sa House Committee on Justice sa impeachment complaint.
Dugang pa ni Cendaña, nga wala kini epekto sa proseso sa Kamarabaha gumikan kini usa ka mandato sa Konstitusyon nga kinahanglan tumanon.