Hingpit ng giprokalam sa Commission on Elections (Comelec) ang 12 ka mananaog sa 2025 midterm senatorial race atol sa seremonyas sa The Manila Hotel gahapong adlawa, lima kanila incumbent ug ang upat mga kanhi senador nga mibalik sa Senado.
Nanguna si Sen. Bong Go nga nakakuha og 27.12 milyon ka boto, gisundan sa kanhi Sen. Bam Aquino nga nakahimo og comeback sa ikaduhang pwesto 20.97 milyon ka boto. Si Sen. Bato dela Rosa nakakuha og ikatulong pwesto 20.77 milyon ka boto, samtang ang administrasyon bet nga si Rep. Erwin Tulfo misulod sa ika-upat 17.12 milyon ka boto.
Nakaangkon og ikalimang pwesto si Kiko Pangilinan 15.34 milyon ka boto, partner ni Aquino sa ilang “Kiko-Bam” tandem. Rodante Marcoleta (SAGIP) nakapwesto sa ika-unom, ug Ping Lacson, Tito Sotto, Pia Cayetano, ug Camille Villar mikompleto sa ika-pito hangtod ika-napulo nga pwesto. Lito Lapid 11th ug Imee Marcos 12th misira sa lista. Tulo ang bag-ong mga senador: Tulfo, Marcoleta, ug Villar. Ang uban, incumbent o returning lawmakers. ang Alyansa slate nakapadaug og upat ka kandidato, samtang naay mga kandidato nga gisupurtahan ni VP Sara Duterte.
Ang 12 ka senador-elect mosugod sa ilang unom ka tuig nga termino sa Hunyo 30, 2025, nga molungtad hangtod 2031. Gibantayan karon ang impeachment trial ni VP Sara Duterte karong Hulyo, diin 16 ka boto ang gikinahanglan aron siya mapamatud-an nga sad-an. Siyam lang ka boto batok niini igo na aron siya maluwas ug mahimong eligible sa 2028 presidential elections.