Nagpagawas ang Department of Trade and Industry (DTI) og P4-billion Micro, Small, and Medium Enterprises (MSME) Business Fund niadtong miaging adlaw aron suportahan ang mga gagmayng negosyo taliwala sa krisis sa petrolyo tungod sa gubot sa Middle East.
Sumala ni DTI Secretary Cristina Roque, ang MSMEs mahimong makahulam og P30,000 hangtod P20 million nga gikatakdang bayaran sulod sa lima ka tuig.
Alang sa pautang nga P5 million paubos, wala kini collateral ug adunay usa ka tuig nga grace period sa pagbayad sa principal ug interes.
Ang maong programa nagtumong sa pagtabang sa mga problema sa supply chain, taas nga gasto sa logistics, ug kakuwang sa cash flow.
Mahimong mag-apply niini online o sa mga Negosyo Centers, diin molungtad og pito hangtod napulo ka adlaw ang proseso kung kompleto ang mga rekisitos.