Gipasabot ni Batangas Representative Gerville Luistro, Chairperson sa House Committee on Justice, ang kamahinungdanon sa pagsusi ug hugot nga pagrepaso sa ebidensya nga nagsuporta sa duha ka impeachment complaints batok kang Vice President Sara Duterte aron matino ang kamatinud-anon ug masaligan ba kini.
Sumala ni Luistro, dili dawaton sa komite ang mga ebidensya isip “gospel truth” kondili pagasusihon pag-ayo ang mga affidavit ug dokumento gikan sa nagkalain-laing ahensya sa gobyerno.
Sa maong proseso, ang mga miyembro sa komite molihok isip mga imbestigador aron matino kon adunay probable cause nga magpadayon sa impeachment trial.
Gipasiugda usab ang pagtan-aw sa kredibilidad sa testigo nga si Ramil Madriaga, nga mahimong makaapekto sa desisyon sa komite kung mapamatud-an nga dili tinuod ang iyang mga pamahayag.
Samtang, mipasaka usab og petisyon sa Korte Suprema ang kampo sa Bise Presidente pinaagi ni Atty. Israelito Torreon aron kuwestiyunon ang konstitusyonalidad sa maong proseso.