Gibasol sa campaign manager sa Alyansa ng Bagong Pilipinas nga si Toby Tiangco ang nagpakatag sa impeachment case batok kang VP Sara Duterte.
Ang mga nagpakatag matud pa ang tinubdan nga way nakalusot nga boto sa mga senador nga giendorso ni Pres.Ferdinand Marcos, Jr. dinhi sa Mindanao.
Sumala pa ni Tiangco nga nausab matud pa ang ihap sa mga kandidato nga pabor sa pangulo human nga hingpit napalagpot sa kongreso ang bise presidente.
Dugang pa niini nga niadtong bulan sa Nobyembre ug Disyembre nga nagpahigayon sila og survey ug subay sa resulta, nagsugod og kunhod ang ihap sa mga botanteng muboto sa mga senador nga giendorso sa pangulo human nga gisugdan sa mga kongresista ang pagduso sa impeachment case sa ikaduhang pangulo.
Gani, sa milabay nga mga bugnong lugaynon, mas botaran ug pilion sa mga tao ang mga kandidatong ilang gipili, apan ning panahona, nausab na matud pa kini sa milabay nga mga panahon gumikan ang ganahan ug ginapaburan matud pa sa mga botante mao ang mga kandidato nga wala mipabor ug mipirma sa impeachment case.
Di angay matud pa si Tiangco ang basulon sa pagkapildi ug pakadaog lamang sa pipila ka mga manok nga senador sa pangulo gumikan ang mga nagpaluyo sa impeachment posibleng kaalyado ra sab sa pangulo.Gani, gikwestiyon ni Tiangco ang nahimong lakang sa mga pugsanong nagduso sa impeachment gumikan wala ra sab matud pay mahitabo niini gumikan karon Hunyo 2 pa kini sugdan nga itaral sa higayong magsugod na o ‘convene’ ang senado.
Sa pikas bahin, dako ang pagtuo ni senator-elect Tito Sotto nga epektibo ang pag-endorso sa pangulo gumikan 6 sa 11 sa mga kandidato sa pangulo, nakasulod sa ‘magic 12’.
Nunot pa man niini, di matud pa lalim sa kabahin sa pangulo ang pag-endorso ilabi na nga gikan sa managlahing partido ang mga senador.
Dugang pa niini nga gumikan sa daghang ihap sa mga isyu, nakaapekto kini sa resulta sa eleksiyon.