Gisiguro ni Presidente Ferdinand Marcos Jr. nga adunay igo nga suplay sa lana ug kuryente sa nasud.
Sumala sa pinakabag-ong vlog sa Presidente (BBM VLOG 279), hugot usab nga ginabantayan ang presyo sa mga batakang palaliton aron maprotektahan ang mga konsumidor batok sa kalit nga pagsaka sa presyo.
Gipahayag usab sa Presidente nga adunay andam nga tabang alang sa mga sektor nga labing apektado, lakip ang mga drayber, mamumuo, mag-uuma, ug mangisdaay.
Tumong niini nga mamenosan ang epekto sa oil crisis sa ilang panginabuhian.
Samtang, padayon ang epekto sa nagkagrabeng tensyon sa Middle East sa nasud, ilabi na sa pagsaka sa presyo sa lana nga nakaapekto sa panginabuhi sa mga Pilipino.
Papadayon ang gobyerno sa paghatag og ayuda sama sa cash assistance alang sa mga tricycle driver nga naapektuhan sa fuel price hike.
Gisiguro ni Pres. Ferdinand Marcos Jr. nga walay mapasagdan ug magpadayon ang suporta sa gobyerno sa katawhan.
Sa pikas bahin, gipasiugda sa Pangulo ang kahinungdanon sa bayanihan ug panaghiusa, ug gisaad nga ang gobyerno magpabiling mutabang sa publiko sa panahon sa krisis.
Padayon ang mga diskwentro sa pamasahe, ug padayon usab ang paghatag og cash relief sa panggamhanan ug ahensya.
Dul-an P100, 000 na ang nahatagan og cash assistance sa mga tricycle driver ug on going na usab ang fuel subsidy sa mga mag-uuma ug mangingisda.