Nanawagan og panaghiusa ug pagtinabangay ang Malacañang ngadto sa publiko taliwala sa mga gipahigayon nga protesta batok sa sunod-sunod nga usbaw sa presyo sa lana.
Matod pa ni Palace Press Officer Usec. Claire Castro, nasayod ang Presidente sa mulo sa katawhan gumikan sa epekto sa tensyon sa Middle East nga maoy hinungdan sa pagsaka sa presyo sa petrolyo.
Giklaro ni Castro nga ang maong krisis dili sala sa Presidente o sa kagamhanan, kondili resulta kini sa sitwasyon sa merkado sa kalibutan.
Bisan pa man niini, una nang gipahayag ni PISTON National President Mody Floranda ang posibilidad sa paglunsad og usab og tigil-pasada sa sunod nga semana.
Gilauman nga ubanan kini sa uban pang mga pundok sa transportasyon aron ipakita ang pagsupak sa nagkagrabe nga krisis sa lana.