Gipunting ni Senador Win Gatchalian ang iyang pagsupak sa posibleng pagtaas sa pamasahe sa mga pampublikong sakyanan, taliwala sa padayon nga pagsaka sa presyo sa lana.
Suamla sa senador, mas angay unahon sa gobyerno ang mga alternatibong solusyon ug subsidy programs gumikan ang pagtaas sa pasahe mahimong magresulta og mas taas nga inflation.
Gipasabot niya nga adunay “domino effect” ang pagtaas sa pamasahe maapektuhan ang presyo sa mga bilihin tungod sa mas taas nga gasto sa transportasyon, ug mahimo usab nga mangayo og dugang sweldo ang mga empleyado aron matubag ang ilang panginahanglan.
Isip alternatibo, gisuportahan niini ang pagpaspas sa subsidy programs sama sa Pantawid Pasada aron maminusan ang kalisod sa mga drayber.
Sa laing bahin, gipangulohan usab ni Gatchalian ang usa ka Ad Hoc Committee sa Senado nga gitukod pinaagi sa Senate Resolution No. 350, nga adunay tumong sa paghimo og National Contingency Plan.
Ang komite, nga gitawag og PROTECT, magatutok sa seguridad sa mga Overseas Filipino Workers, posibleng kakulang sa suplay sa lana, ug ang hulga sa inflation.
Gilauman nga ang maong komite magpasa og mga rekomendasyon ngadto sa Senado ug sa Presidente aron matubag ang posibleng epekto sa krisis sa Middle East sa ekonomiya sa nasud.