Nakuha sa 10th Infantry Division (10ID) sa Philippine Army ang daghang pasidungog atol sa ika-129th Founding Anniversary sa Philippine Army nga gipahigayon sa Fort Andres Bonifacio kagahapong adlawa, Marso 19, 2026.
Gihatagan og dungog ang 10ID tungod sa dili hitupngang performance sa leadership, administration, training, ug operational readiness, lakip ang pagdaug sa CGPA Streamer for Overall Unit Excellence (KAHUSAYAN), diin usa sa pinakataas nga unit awards sa Philippine Army.
Ang maong pasidungog mapasigarbuhong gidawat ni Alvin Luzon, Division Commander sa 10ID. Personal usab nga gitunol ang award ni Pres. Ferdinand R. Marcos Jr. uban ni Gilberto Teodoro Jr. kalihim sa Department of National Defense, Romeo Brawner Jr., ug Antonio Nafarrete nga mitambong sa maong selebrasyon.
Samtang, nakadawat usab ang 10th Station Hospital (10SH) sa CGPA Streamer for Innovation (LIKHA) tungod sa outstanding nga inisyatibo niini sa pagpalambo sa military healthcare services, nga gidawat ni May Maaño.