Giduso karon sa Senado ang balaod sa pag-amendar sa Republic Act No. 9160 o ang Anti-Money Laundering Act of 2001, usa ka balaod nga nagtumong sa pagpugong ug pagsilot sa pagtago sa illegal nga kwarta pinaagi sa pinansyal nga sistema.
Gipangulohan kini ni Senador Joel Villanueva, nga nagtinguha sa pagpalapad sa sakop sa balaod, hilabina sa digital ug online financial transactions nga gigamit sa illegal nga kalihokan.
Lakip sa kausaban ang mas hugot nga monitoring sa mga bangko, mas dako nga gahum sa Anti-Money Laundering Council sa imbestigasyon ug pag-freeze sa assets, ug mas bug-at nga silot sa mga makalapas.
Kabahin kini sa direksyon sa administrasyon ni Presidente Ferdinand Marcos Jr. aron mapalig-on ang depensa batok sa financial crimes ug maprotektahan ang integridad sa pinansyal nga sistema sa nasud.