Nakadawat og kapin sa 3 milyones nga cyberattacks ang Commission on Elections (COMELEC) sa ilang system. Kini nga insidente gitawag nga usa sa labing dakong cyber breach nga natala sa kasaysayan sa eleksyon sa Pilipinas, ug nagpukaw og kabalaka sa seguridad sa automated election system (AES) sa nasud.
Sumala pa ni John Rex Laudiangco, Spokesman sa COMELEC ang mga atake miabot gikan sa lokal ug internasyonal.Gisuspetsahan nga ang mga hacker naningkamot sa pagsulod sa ilang mga sistema aron makuha ang sensitibo nga impormasyon o aron lang makabungkag sa kredibilidad sa eleksyon.
Ang COMELEC naningkamot karon nga matino ang kadaot, ug nagkonsulta na sila sa mga eksperto sa cybersecurity gikan sa lokal ug internasyonal nga sektor. Lakip sa ilang gihimo mao ang pagsusi sa logs ug access records, Pagpatuman sa mas hugot nga firewall ug intrusion detection systems nakig koordina na usab sila sa National Bureau of Investigation (NBI) ug Department of Information and Communications Technology (DICT)gisaad sa COMELEC nga wala pa kini epekto sa integridad sa eleksyon, apan ilang gisiguro nga buhaton ang tanan aron masiguro ang kasaligan ug limpyo nga proseso sa pagboto niadtong milabay nga elekson.
Nagplano usab sila og full audit sa sistema aron masiguro nga walay datus nga nakompromiso. Gipahimangnoan usab ang publiko nga magmatngon batok sa mga fake news o misinformation nga mahimong mugikan sa maong cyberattacks. Gihangyo sa COMELEC ang katawhan nga magasalig lamang sa opisyal nga pahayag sa ahensya.