Nagpahibalo ang gobyerno sa Sri Lanka sa pagpatuman 4-day work week aron makatipid sa limitadong suplay sa gasolina samtang nag-andam sa posibleng dugay nga epekto sa nagpadayon nga tensyon ug giyera sa Middle East.
Sumala sa mga opisyal, ipatuman ang four-day work week sa pipila ka sektor sa gobyerno aron mapakunhod ang paggamit sa gasolina ug diesel, hilabina sa transportasyon sa mga empleyado.
Lakip sa mga lakang sa gobyerno ang pagpalig-on sa fuel conservation samtang nagpadayon ang pagtaas sa presyo sa produktong petrolyo sa global market.
Gipahugtan usab ang fuel rationing ug gihatagan og prayoridad ang suplay alang sa mga essential services sama sa mga ospital, transportasyon sa pagkaon, ug emergency operations.
Gipasidan-an usab sa mga otoridad nga ang kasamtangang fuel reserves sa nasud limitado lamang ug mahimong maapektuhan kung magpadayon ang krisis sa suplay tungod sa tensyon sa Middle East.