Subling gipasabot sa usa ka eksperto sa balaod nga natapos na ang paepel sa Independent Commission on Infrastructure kon (ICI) ug gisumite ngadto sa Ombudsman ang mga nakaylap nga impormasyon ug ebidensiya aron ang buhatan na niini ang musuta kung igo ba kini nga basehan aron pasakaan og kaso ang mga indibidwal ug dagkong personalidad kalabot na sa mga isyu sa flood kontrol projects.
Saysay niini nga nga ang ICI usa ka independent body ug dili usa ka korte busa anaa sa Ombudsman ang igong katungod nga mu-eksaminar sa REPORT nga gipasa sa maong komisyon.
Gidugang pa sa abogado nga mahinungdanong prinsipyo sa “Presumption of Innocence” o ang paglantaw sa usa ka indibidwal nga inosente hangtud nga mapamatud-an nga sad-an sa korte.
Gitumbok niini nga ang pagpagawas og report o ang pagsugod sa imbestigasyon sa Office of the Ombudsman dili pa igo nga basehan aron maingon nga ang usa ka tawo sad-an na sa usa ka krimen o kalapasan.
Sumala niini, ang Ombudsman pa ang mudesisyon kon aduna ba’y igo nga basehan o probable cause aron pormal nga mapasaka ang kaso ug gawas na niini ang ICI.