Dakpan ang siyam (9) ka indibidwal sa gipahigayon nga serye sa mga operasyon sa Bukidnon Police Provincial Office (BUKPPO) sa nagkalain-laing lungsod ug dakbayan sa probinsya niadtong milabay’ng adlaw. Subay sa report nga gipagawas, pito (7) sa mga suspetsado ang nasikop pinaagi sa buy-bust operations batok sa ilegal nga droga.
Nakuha gikan sa mga drug suspect sa Valencia City, Quezon, Don Carlos, Manolo Fortich, ug Impasugong ang kinatibuk-ang 28.45 ka gramo sa giingong shabu nga gibanabana nga nagbalor og Php194,280.00 ug giandaman na og kasong paglapas sa R.A. 9165.
Samtang, nadakpan usab sa San Fernando si Awe Lastino Juan (26 anyos) pinaagi sa warrant of arrest alang sa kasong Attempted Murder nga may girekomendang piyansa nga Php10,000.00, ug nasikop usab sa Don Carlos si a.k.a. “Talban” (40 anyos) tungod sa paglapas sa R.A. 9287 batok sa ilegal nga gambling o swertres human makuhaan og bet slips ug Php320.00 nga pusta.
Ang tanang nadakpan ug mga ebidensya gipangdala na sa matag lokal nga kapolisan alang sa dokumentasyon ug pagpasaka sa pormal nga kaso sa korte.