8 patay sa pagbuto sa usa ka tindahan sa pabuto sa China

Patay ang walo ka tawo ug duha pa ang nasamdan tungod sa kusog nga pagbuto sa tindahan og pabuto sa China.

Nahitabo ang insidente sa Jiangsu province.

Sumala sa mga imbestigador, nagsugod ang kalayo sa sulod sa establisimyento nga nagbaligya og daghang klase sa pabuto ug mikatay kini sa ubang parte sa tindahan, hinungdan sa dakong kadaot ug pagkawala sa kinabuhi.

Tradisyon sa China ang pagsiga og paputok sa pagsaulog sa Lunar New Year, bisan pa nga sa ubang bahin sa nasud kini gipugngan tungod sa polusyon sa hangin.

Padayon ang imbestigasyon sa mga otoridad bahin sa nahitabo nga sunog.