Gibitay sa China ang upat pa ka miyembro sa bantog nga mafia family sa Myanmar.
Ang Bai family mafia, giila isip numero uno nga iladong dinastiya nga nagpadagan og mga scam centers sa Myanmar, base sa report sa state media.
Kabahin usab sila sa 21 ka miyembro ug kauban nga gihukman sa kamatayon sa korte sa Guangdong province tungod sa mga kasong fraud, homicide, physical injury ug uban pang seryosong krimen.
Niadtong Nobyembre 2025, gisintensiyahan sa korte ang lima kanila, lakip ang patriyarka sa maong clan nga si Bai Suocheng, nga namatay tungod sa sakit human gihukman.
Samtang niadtong miaging semana, gibitay usab ang 11 ka miyembro sa Ming family mafia isip kabahin sa crackdown batok sa scam operations sa South East Asia nga nakabiktima og liboan ka mga Chinese.